एसटी स्थानके होणार 'चार्जिंग स्टेशन'

म. टा. प्रतिनिधी, मुंबई देशातील सर्वांत मोठे प्रवासी महामंडळ असलेले राज्य परिवहन अर्थात एसटी महामंडळाने आता कात टाकण्यास सुरुवात केली आहे. राज्यातील १० एसटी स्थानकांमध्ये उभारण्याचा निर्णय एसटी महामंडळाने घेतला असून, या अंतर्गत पुणे, सोलापूर, नाशिक, औरंगाबाद, कोल्हापूर याठिकाणी एकूण ५० चार्जिंग स्टेशन उभारण्यात येणार आहेत. करोनाकाळात सरकारी कार्यालयांमध्ये १५ टक्के मनुष्यबळासह काम करण्याचे निर्बंध आहेत. यामुळे निविदा उघडून दोन आठवड्यानंतरही नेमक्या किती कंपन्यांनी एसटीच्या विद्युत बसला प्रतिसाद दिला, हे स्पष्ट होऊ शकले नाही. इंधनाच्या वाढत्या दरांना पर्याय म्हणून विद्युत वाहनांच्या जास्तीत जास्त वापरावर भर देण्याचे धोरण केंद्र सरकारचे आहे. अशा बससाठी केंद्राकडून अनुदान मिळत असल्याने सर्वच राज्य परिवहन महामंडळानी विद्युत बसचा समावेश करण्याबाबत हालचाली सुरू केल्या आहेत. महामंडळाच्या ताफ्यात १०० विद्युत एसटी दाखल होणार आहेत. त्यासाठी निविदा मागवण्यात आल्या आहेत. बस पुरवणाऱ्या कंत्राटदारांनाच विद्युत चार्जिंग स्टेशन उभारणे बंधनकारक आहे, अशा निविदेच्या अटी आहेत. विद्युत बससाठी मागवण्यात आलेल्या निविदेला कंपन्याच्या प्रतिसादाबाबत एसटी महामंडळातील अधिकाऱ्यांशी संपर्क साधला असता, करोना लॉकडाउन काळातील १५ टक्के मनुष्यबळ निर्बंधामुळे अडचण जाणवत आहे. ८ मे रोजी निविदा उघडण्यात आल्या आहेत. किती कंपन्यांनी प्रतिसाद दिला, याची माहिती मनुष्यबळ उपलब्ध झाल्यावर मिळेल, असे एसटी महामंडळाकडून सांगण्यात आले. '' कुठे आहे ? सप्टेंबर २०१९ मध्ये मुंबई सेंट्रल येथे एसटीच्या शिवाई या विद्युत बसचे लोकार्पण करण्यात आले होते. यावेळी एकूण १५० बस ताफ्यात दाखल होणार असून पहिल्या टप्प्यात ५० बस येतील, अशी घोषणा एसटी महामंडळातर्फे करण्यात आली होती. आतापर्यंत ही शिवाई प्रवाशांच्या सेवेसाठी उपलब्ध होऊ शकलेली नाही. या मुद्द्यांवर कामगार संघटनांनीही सूचक मौन धारण केल्याने एसटीची शिवाई कुठे आहे, हा प्रश्न उपस्थित होत आहे.