काँग्रेस आमदारांच्या निधीतून १११ रुग्णवाहिका देणार

म. टा. प्रतिनिधी, मुंबई काँग्रेसचे नेते, माजी पंतप्रधान यांच्या स्मृतिदिनाचे औचित्य साधून पक्षाने करोना संकटकाळात अडकलेल्या नागरिकांच्या मदतीसाठी विविध उपक्रम राबविण्याचा निर्णय घेतला आहे. त्यानुसार काँग्रेस आमदारांच्या निधीतून १११ रुग्णवाहिका देण्यात येणार आहेत. तसेच राज्यभरात ६१ लाख मास्कचे वाटप केले जाईल, अशी माहिती काँग्रेसचे प्रदेशाध्यक्ष आ. यांनी शुक्रवारी मुंबईत दिली. राजीव गांधी स्मृतिदिनानिमित्त प्रदेश काँग्रेसतर्फे चेंबूरच्या नालंदा हॉलमध्ये अभिवादन कार्यक्रम आयोजिण्यात आला होता. नाना पटोले यांच्या अध्यक्षतेखाली झालेल्या या कार्यक्रमास महसूलमंत्री बाळासाहेब थोरात, सार्वजनिक बांधकाम मंत्री अशोक चव्हाण, प्रदेश कार्याध्यक्ष , नसीम खान, मुंबई काँग्रेस अध्यक्ष आ. भाई जगताप आदी उपस्थित होते. तर काँग्रेसचे मंत्री, आमदार, जिल्हाध्यक्ष दूरदृश्य प्रणालीद्वारे सहभागी झाले होते. माजी पंतप्रधान राजीव गांधी हे दूरदृष्टीचे नेते होते. देशातील तरुणाईची ताकद जगाला दाखवून देण्याचा त्यांचा संकल्प होता. २०व्या शतकातच भारताला २१व्या शतकाचे स्वप्न त्यांनी दाखवले आणि त्यादृष्टीने पावले उचलली. आजच्या डिजिटल भारताची पायाभरणी राजीव गांधी यांनी केली होती. ते देशासाठी जगले. देशासाठीच त्यांनी प्राणाचे बलिदान दिले. संकटकाळात काँग्रेस पक्ष कायमच या देशातील नागरिकांसोबत राहिला आहे, असे पटोले म्हणाले. लसीकरण केंद्र सुरू याप्रसंगी महसूल मंत्री बाळासाहेब थोरात, सार्वजनिक बांधकाम मंत्री अशोक चव्हाण आदींची भाषणे झाली. चंद्रकांत हंडोरे यांच्या पुढाकारातून चेंबूरला सुरू करण्यात आलेल्या करोना प्रतिबंधात्मक लसीकरण केंद्राचे उद्घाटन नाना पटोले यांच्या हस्ते झाले. तत्पूर्वी सकाळी कुपरेज मैदानातील स्व. राजीव गांधी यांच्या पुतळ्याला पुष्पहार अर्पण करून पटोले यांनी अभिवादन केले. मुंबई काँग्रेसच्या अभिवादन कार्यक्रमास महसूल मंत्री बाळासाहेब थोरात, मुंबई काँग्रेस अध्यक्ष भाई जगताप यांच्यासह अनेक नेते उपस्थित होते.