दादर, माहिमच्या तुलनेत मुंबईतील 'या' भागात रुग्णसंख्या घटली

म. टा. विशेष प्रतिनिधी, मुंबई संसर्गाच्या दुसऱ्या लाटेमध्ये धारावीत चिंता वाढू लागली होती. मात्र आता या प्रमाणामध्ये कमालीची घट झाल्याचे दिसते. आणि माहीम या दोन्हीच्या तुलनेमध्ये धारावीमध्ये असलेली रुग्णसंख्या कमी झाली आहे. सक्रिय रुग्णांची संख्या कमी होत असताना रुग्ण बरे होण्याच्या प्रमाणामध्येही वाढ होत आहे. समूह प्रतिकारशक्ती, करोना संसर्गाच्या विरोधातील लढाईमध्ये सामान्यांनी पाळलेली शिस्त, गर्दी कमी केल्यामुळे संसर्गाची साखळी तोडण्यासाठी झालेली मदत अशी विविध कारणे सकारात्मक ठरली. धारावीमध्ये ५११ सक्रिय रुग्णांची नोंद करण्यात आली तर बरे झालेल्या रुग्णांची संख्या ५८२९ इतकी आहे. दादरमध्ये सक्रीय रुग्णसंख्या १२६३ तर माहीममध्ये ही संख्या १२०० नोंदवण्यात आली. दादरमध्ये पॉझिटिव्ह रुग्णसंख्या ९२३३ इतकी तर धारावीमध्ये हे प्रमाण ६६८४ इतके आहे. सक्रीय रुग्णसंख्येमध्ये धारावीमध्ये झालेली दादर, माहीमच्या तुलनेमध्ये निम्म्याने घट झाली आहे. ८ मे रोजी धारावीमध्ये सक्रीय रुग्णसंख्या ८१८ होती तर माहीममध्ये १९२९ रुग्णांची नोंद करण्यात आली. दादरमध्ये सक्रीय रुग्णसंख्या १७३४ इतकी होती. एक मे रोजी धारावीमध्ये करोनाच्या सक्रीय रुग्णांची संख्या ९४३ इतकी होती. त्यावेळी माहीमध्ये हे प्रमाण २३४८ तर दादरमध्ये १९९८ इतके नोंदवण्यात आले होते. यावेळी दादर, माहीम आणि या तिन्ही भागामधील पॉझिटीव्ह रुग्णांची संख्या ही २४ हजार ३९७ इतकी होती. धारावीमध्ये काम करणारे डॉ. अनिल पाचणेकर यांनी धारावीमध्ये पहिल्या लाटेमधील रुग्णसंख्या आणि आता असलेल्या रुग्णसंख्या तसेच लक्षणांच्या तीव्रतेबद्दल विस्तृतपणे सांगितले. तरुणांना या दुसऱ्या लाटेमध्ये संसर्गाचा प्रादुर्भाव अधिक झाला होता. धारावीमध्ये अनेकजण कडक निर्बंधांमुळे पुन्हा गावी परतले आहेत, गर्दी कमी होण्यासाठी हे उपयुक्त ठरल्याचे वैद्यकीय निरीक्षण त्यांनी नोंदवले. पहिल्या टप्प्यात लसीकरणाला प्रतिसाद नव्हता. आता तो हळुहळू वाढेल, अशी अपेक्षा त्यांनी व्यक्त केली.