मुंबई: भाडे नाकारले म्हणून संतापलेल्या फळविक्रेत्याने डोक्यात पेव्हर ब्लॉक टाकून टॅक्सीचालकाची हत्या केल्याची घटना आज दादरच्या गजबजलेल्या परिसरात घडली. (५५) असे मृत टॅक्सीचालकाचे नाव असून पोलिसांनी सीसीटीव्ही फुटेज वरून काही तासांतच आरोपी (३०) याला अटक केली आहे. या घटनेने दादरमध्ये एकच खळबळ उडाली आहे. ( ) वाचा: दादर मार्केटमधील कबुतरखाना येथे सकाळी ६ वाजताच्या सुमारास छबीलाल जैस्वार हा टॅक्सी घेऊन आला होता. यादरम्यान बसवराज त्या ठिकाणी आला आणि त्याने छबीलाल याला जवळच जायचे आहे असे सांगितले. मात्र, जवळचे भाडे असल्याने छबीलाल याने नकार दिला. याच परिसरात राहत असल्याने आणि फळविक्री करीत असल्याने बसवराज दादागिरी करू लागला. यावरून दोघांमध्ये जोरदार बाचाबाची झाली. यामुळे संतापलेल्या बसवराज याने जवळच असलेला सिमेंटचा पेव्हर ब्लॉक उचलला आणि छबीलाल याच्या डोक्यात मारला. त्यात डोक्याला गंभीर इजा झाल्याने छबीलाल याचा जागीच मृत्यू झाला. वाचा: या घटनेची माहिती मिळताच घटनास्थळी पोहचले. वरिष्ठ पोलिस निरीक्षक मृत्यूंजय हिरेमठ यांच्या मार्गदर्शनाखाली सहायक निरीक्षक महेश थिटे यांच्यासह रावराणे, संतोष पाटणे, अजित महाडीक, महेश कोलते यांच्या पथकाने प्रत्यक्षदर्शीनी दिलेली माहीती आणि सीसीटीव्ही फुटेजवरून बसवराज याला शोधून काढले. घटनास्थळावरून पसार झालेल्या बसवराज याला काही तासांतच पोलिसांनी बेड्या ठोकल्या. दरम्यान, जवळचे भाडे नाकारण्यावरून टॅक्सीचालक आणि प्रवाशांची भांडणं काही नवीन नाहीत. त्याबाबत पोलिसांकडून अनेकदा कारवाईची पावलेही उचलण्यात आलेली आहेत. मात्र, अशा भांडणातून टॅक्सीचालकाची थेट हत्या करण्यात आल्याने व ही घटना दादर सारख्या गजबजलेल्या भागात घडल्याने एकच खळबळ उडाली आहे. वाचा:
0 Comments